3 دقيقة للقراءة
مالقينا عنوان بصراحة للإرسالية الأولى ولأنها تجربة لخدمة ريفيو التابعة لتويتر فقد تكون ارسالية عبثية نوعا ما ..!
طيب لأن للتو إنظم لنا إكسترا كلين في منصة مكان واعجبتني جدا خدماتهم
مغاسل اكسترا كلين للسيارات مغاسل سيارات أوتوماتيكية تتميز بالسرعة والجودة بالإضافة إلى السعـر المناسب .. نتطلع دائمـاً لخدمـة عملائنا باحترافيـة عاليـة ونحـاول أن نجعـل من خدمة غسيـــل السيــــارة تجربـة جميلــــــة في كــل المــــرات
وهي مغسلة سيارات اوتوماتيكية راح نتكلم عن سوق غسيل السيارات وتجربة العميل فيها !
دايم أنا أحاول أستفيد من وقتي بشكل جدا كبير ولما تحب تكون سيارتك نظيفة فهذا يعني انك بتخسر ساعتين تقريبا كل اسبوع في انتظار طابور مغسلة السيارة ثم انتظار وقت الغسيل ثم انتظار وقت التمسيح !! ومن 5 سنوات كنت دايم استغل هالوقت إما بمراسلات العملاء والاصدقاء أو البرمجة أحيانا ومؤخرا اجري فيه بعض القراءات من بعض الكتب !! ولكن ما أحب أبرمج على طبلون السيارة ولا احب اقرا وانا في داخل كورة من الصابون !!
طبعا هذا كله يهون قدام العمالة غير المدربة واللي كثير من الناس يتساهل ويعطيهم مفاتيح سيارته وانا ما عمري سويت هالحركة لأن الطوام تحدث بثواني .. وللأسف أني مرة من المرات قلت يبن الحلال كل الناس تعطي العمال مفتاح السيارة ليش أنت موسوس !! وقاومت مخاوفي وعطيت العامل المفتاح عشان اروح بحال سبيلي واترك السيارة واستمتع بالساعة ونص ثم اجي .. رجعت لسيارتي بعد ساعة ونص حبيت احرك السيارة .. حسيت برطوبة في الجلنط !! قلت أكيد مستحضر أو مسحوق غسيل مشيت 5 دقايق لبقت السيارة سحبت الجلنط .. طلع الجلنط بيدي مكسور !! اكتشفت أن العامل كاسر الجلنط وحاط عليه صمغ ابوجني !!!
بهذي الحالة الساعة 12 بالليل من تسأل من تحاسب من تواجه .. لا أحد لأن العمالة تستّر والكفيل ما يدري ان عنده هالعمال اساسا .. قلت اعوذبالله ومشيت بحال سبيلي وعرفت ان الطوام فعلا تحدث وأني ما كنت موسوس بل إنسان طبيعي يخاف على حلاله من افراد ثقافتهم ما تتعدى الصفر !
هذا كله كوم وطريقة التغسيل كوم ثاني .. مره عامل حط ثقله على الكبوت وطعج الكبوت وعامل وعامل وعامل .. وانا متأكد أن كل شخص منا له تجربة تعيسة في مغاسل السيارات بسبب العمالة الرخيصة .. وكنت دايم اتساءل ليش ما يتم اتمتة هالشغلانة البسيطة ذي !! خصوصا من وانا بزر وانا اشوف بالافلام من الاربيعنات الميلادية والغرب يغسلون سياراتهم عبر رولة اوتوماتيكية !!
طبعا مع سواقة الجنس المش لطيف .. صار فيه شوية زيادة في الطلب على المغاسل وصارت الساعة ونص ساعتين أحيانا ومع قبح الاحوال الجوية عندنا والغبار اللي يستمر شهور !! صار موضوع الغسيل مرة مرهق .. !
بدت تطلع المغاسل اللي تكون جمب مقهى وكذا ففيه فرصة ان الواحد يستمتع شوي بهالوقت الممل هذا ويخلص له كم شغلة ..!
لكن اكسترا كلين حسمت هالمسألة ونبي يطلع لها مشابهات يأتمتون هالعملية ويحطون لك قهوة تشربها وانت تغسل سيارتك ..!
تقدر تتميز وتشتري الات وتختار المكان الصحيح وترضي عميلك وتحقق مصدر دخل جبار
واذا تبي تبني موقع الكتروني لمغسلتك منصة مكان موجودة
